መጣጥፍ Articles

የልደተ ኢየሱስ ጥሞናዎች ፦ ኢየሱስ “አማኑኤል” ተብሎ ተጠርቶ ያውቃልን? (ክፍል 1)

አያውቅም!

እውነቱን ተናገር ካላችሁኝ  በመጽሐፍ ቅዱስ ውስጥ በየትኛውም ሥፍራ ላይ ኢየሱስ  ‘አማኑኤል’ ተብሎ አልተጠራም። እንዲያው ስለ ለመድነው ፤  የቤተ ክርስቲያናት ሥያሜም ስለ ሆነ ነው እንጂ። ኢየሱስ በየትም ሥፍራ “አማኑኤል” ተብሎ ተጠርቶ አያውቅም።  መጽሐፍ ቅዱሳችን የሚለው የሚከተለውን ነው፦

“እነሆ፥ ድንግል ትፀንሳለች ልጅም ትወልዳለች፥ ስሙንም አማኑኤል ይሉታል የተባለው ይፈጸም ዘንድ ይህ ሁሉ ሆኖአል፥ ትርጓሜውም። እግዚአብሔር ከእኛ ጋር የሚል ነው።” (ማቴ.1፡23)

በቃ። ወዳጆቼ ከዛ ይልቅ ግን ልብን ወጥሮ የሚይዘው ጉዳይ የዚህ ቃል መልዕክት ነው፦

ይህ ቃል የተወሰደው ከትንቢተ ኢሳያስ ምዕራፍ 7 ላይ ነው። ቃል በቃል እንዲህ ይላል፦

ስለዚህ ጌታ ራሱ ምልክት ይሰጣችኋል እነሆ፥ ድንግል ትፀንሳለች፥ ወንድ ልጅም ትወልዳለች፥ ስሙንም አማኑኤል ብላ ትጠራዋለች። (ኢሳ 7፡14)

ታዲያ ሁለቱን ምን ያገናኛቸዋል?  የዚህ ጥያቄ መልስ  ያለው ቃሉ የተወሰደበት ምንባብ (ኢሳ 7፡1-25) ውስጥ ነው። ጊዜው ሶርያ የሥልጣን ኮርቻ ላይ የተፈናጠጠችበት ጊዜ ነበር። የፈለገችውን ማድረግ ይምትችልበት ጊዜ። ሰሜናዊቷ እስራኤል ደግሞ በሰውም በእግዚአብሔር ፊት የምታደረገው ክፋት ሞልቶ የተተርፈረፈበት ጊዜ ነበር። ደቡባዊቷ ይሁዳም ‘ከእጅ አይሻል ዶማ’ ብትሆንም፤ ከእግዚአብሔር ጋር ተጣብቃ ለመጓዝ ትውተረተር ነበር። የሚያሳዝነው ነገር ግን  ሰሜናዊዋ እስራኤል እህቷን ይሁዳን ልትወጋ ከጠላት ጋር ተማክራ የመጣበችበት ጊዜ ነበር። መላው ይሁዳ ተጨንቃ ነበር ። “የዱር ዛፍ በነፋስ እንድትናወጥ ተናወጠ” ሆነው ነበር። ንጉሱ ዖዝያን ሰማይ ተደፍቶበት ነበር!!

ጣልቃ ገቢው አምላክም ነብዩን ኢሳያስን ሰደደው እና “ስለሚጤሱ ስለ ሁለት የእንጨት ጠለሸቶች” አትጨነቅ አለው። ንጉሱ ዖዝያንም ይህንን ያመነ አይመስለኝም። ምናልባትም ይህ ሠራዊት ከመጣ ምን ሊከሰት እንደሚችል ያውቃል። በውስጡ  እንዲህ ያለ ይመሰለኛል “ከተማ ወድቃ በእጃቸው ከገባች ሁላችንንም ይጨርሱናል። ሞት ምን ችግር አለው ‘መሬት አናሟሽ’ ግን…ነፍሰ ጡሮቻችንን ካገኙ… ሆዳቸውን ቀደው ጨቅላዎቹን አውጥተው እላያቸው ላይ አድርገው  እሰኪሞቱ ማየት ይዘገንናል (የወቅቱ ትውልድ የማትፋት ስልት ነበር)…” እግዚአብሔር ስለዚህ ጉዳይ “ምልክት” መስጠት ነበረበት ። ይህንን በፍራኸት የሚርድ ንጉሥ በነብዩ በኩል እንዲህ አለው ፦

እናንተ የዳዊት ቤት ሆይ፥ ስሙ በውኑ ሰውን ማድከማችሁ ቀላል ነውን? አምላኬን ደግሞ የምታደክሙ ስለዚህ ጌታ ራሱ ምልክት ይሰጣችኋል እነሆ፥ ድንግል ትፀንሳለች፥ ወንድ ልጅም ትወልዳለች፥ ስሙንም አማኑኤል ብላ ትጠራዋለች።(ኢሳ.7፡13-14)

ለዚህ በፍርሃት ለሚርድ ሰው “ምልክቱ” ምንድን ነው? የምትፈራው ነገር ፈጽሞ አይደርስም። እዚህ ከተማ ውስጥ  ያሉ ነፍሰ ጡሮች በሙሉ ምንም ሳይሆኑ በሠላም ይገላገላሉ ።  የዚያን ጊዜ በዚያ የመከራ ወቅት እኔ አብሬያት እንደነበርኩ ለማስታወስ የምትወልደውን ልጅ አማኑኤል ትለዋለች። ትርጉሙም በዚያ ሁሉ መከራ ውስጥ ለካ እግዚአብሔር ከእኛ ጋር ነበረ ማለት ነው። ይሄ ፈሪ ንጉስ ምንኛ ይጽናና።

ወዳጆቼ ዛሬም እኮ እኛም እንደዚያው ነን ። መከራ ችግር ውስጥ ስንሆን ጩኸት መንፈራገጣችን መከራ ነው።  ጸሎት ምልጃችን ፣ ተማጽኗችን ፣ ማላዘናችን አይጣል ነው። ነገር ግን በዚያ መከራ ውስጥ አልፈን በዚያኛው ጫፍ ብቅ ስንል ግን “አማኑኤል” እንላለን።  ባለፍንበት ሁኔታ ውስጥ ሁሉ እገዚአብሔር ከእኛ ጋር ነበር።

አማኑ ኤል ።

Advertisements

ምን ሐሳብ አለዎት?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s