Uncategorized

የጋዳፊ ውድቀት ፣ የእኛ ፈንጠዝያ

ትናንት አመሻሹ ላይ ነበር ዐማጺያን የጋዳፊ መፈንጫ ሆና የከረመችውን ትሪፖሊን የተቆጣጠሩት።  እርግጥ ነው የተቆጣጠሩት ለማለት ጊዜው ገና ቢሆንም “በመርህ ደረጃ” ግን አሸንፈዋል። የጋዳፊን ሁለት ልጆች አሁንም “በመርህ ደረጃ” ተቆጣጥረዋል። እነዚህ በደም ፍላት ቱግ ብለው የተነሱ ተማሪዎች ያቀጣጠሉት አመጽ ይኸው ዛሬ ፍሬ ሊያፈራ ትንሽ ቀርቶታል።
ይሄ ሁሉ የሚያስታውሰኝ የጌታን የመስቀል ላይ “ድራማ” ነው። ዓለምን በመዳፉ ስር አውሎ ፉከራ እና ቀረርቶውን ሲያሰማ የነበረውን ጠላት “በመርህ ደረጃ” (ቅምሻውን እያጣጣምን ቢሆንም ሙላቱ ግን ገና ይቀረዋል) ድል ያደረገበት ሁኔታ። ከአንዲት ብላቴና በከብቶች ግርግም ውስጥ የተወለደ፣ ልጅነቱን “አንጨት ሲፍቅ” ያደገ፣ በመጨረሻ ማን ዓለምን የሚያድን በጠባብ ደረት እና በአጭር ቁመት የተወሰነው ጌታ ነው ብሎ ጠርጥሯል። ማንስ ተደላድሎ የተንሰራፋውን የጠላት መንደር አሰቃቂ በሆነው የወንጀለኛ ሞት ድል ያደርገዋል ብሎ ጠርጥሯል። ማንስ እነዚህ ብስጩ ተማሪዎች ጋደፊን የሚያህል አምባገነን እንዲህ ዶግ አመድ ያደርጉታል ብሎ ገምቷል።

እርግጥ ነው ዛሬ ሰይጣን “አከርካሪው” ተሰብሯል ነገር ግን አሁንም በየስፈራው እየተመላለስ ጠብ እና ዱላ ምቻ መዝራቱን አላቆመም። ነገር ግን አንድ ቀን ጠላት፣ ሞት እና ሐጢአት ከምድር ላይ ተጠራርገው የሚወገዱበት ቀን እንደሚመጣ እናውቃለን። ልክ ሊቢያውያን አንድ ቀን “ነፃ ሊኒያን” ለመመስረት ተስፋ እንደሚያደርጉት።
ልክ እንደእነዚህ ብላቴናዎች አቅም ያለን ባንመስልም መሳሪያችን ግን ምሽግን ሊያፈራረስ ጉልበት አለው።
ዛሬ የሊያውያን ፈንጠዝያ እና የጌታ ማንነት እና ስራ ለእኔ መሳ ለመሳ ናቸው። ዛሬ በእኔ ልብ ውስጥ የአያንዳንዱ አምባገነን ውድቀት በገነት የምናገኘውን ዘላለማዊ ደስታ “ፍንካች” ነው ባይ ነኝ እናንተስ ምን ትላላችሁ። የጋዳፊ ውድቀት የሚያስፈነጥዘን ፣ የመጨረሻውን ውድቀት እያሰብን ነው ብንል እንስት ይሆን?

Advertisements

ምን ሐሳብ አለዎት?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s